Condemna des atacs terroristes en Barcelona e Cambrils.

Deman hè un an des atacs terroristes en Barcelona e Cambrils.
Taula per Aran condemne tostemp era violencia en totes es sues formes.

Consideram qu'ei incoerent e ipocrita, que volgue èster present en aumenatge as victimes, un rei qu'ajude ara financiacion deth terrorisme gihadista e ar armament de païsi qu'obliguen a molta gent a huger des sues cases.

Per açò didem que non auem rei, que non lo volem ne l'auem de besonh.

Des de Taula per Aran volem auer un especiau rebrembe as victimes d'aguesti atacs e mostrar tot eth nòste supòrt as sues familhes e entorn.

300 dies

Taula per Aran torne a gésser ath carrèr pr'amor qu'aué hè 10 mesi qu'es Jòrdis son injustament privadi de libertat. Son ostatges d'un Estat antidemocràtic, son PRESOÈRS POLITICS!

Deuant d'ua politica qu'abuse e maltracte ath pòble e qu'utilitze era justicia en sòn favor; clamam que NON MOS REPRESENTE.

Deuant d'ua justicia q protegís monarques e politics corroptes e violadors. Qu'invente delictes de terrorisme inexistents; clamam DESOBEDIENCIA.

Deuant d'un país que justifique era violencia contra era democracia, en compdes de lutar pera sua dignitat; clamam que NON EI ETH NÒSTE PAÍS.

Apropar es preses a Catalonha non mos arturarà. Non ac haram enquià que totes eres siguen liures e es exiliades poguen tornar as sues cases e a exercir plenament es sòns drets.

Per açò en tant qu'era justicia non sigue justa e era politica non mos respecte SEGUIRAM ENA LUTA PACIFICA E DECIDIDA

VISCA ERA REPUBLICA!!!

Toti enthat Pòrt de Salau

SUS ERA IMPORTÀNCIA DETH 5 D’AGOST
Damb es companhs de Taula per Aran hè mesi que trebalham ena defensa deth dret a decidir era sobeirania d’Aran e de toti aqueri pòbles que vòlen veir reconeishudi es sòns drets damb plena libertat. Defenem era nòsta cultura,
lengua e territòri. Trebalham en un projècte de replantejament d’elements de judici, d’intercambi d’opinions, de libertat d’expression e de concienciacion sociau desde eth respècte ara diversitat.

Mos auem manifestat en favor dera igualtat de genre, des drets des jubilats, der ús preferent dera lengua occitana
en Aran, er aranés, e des libertats.

Continuaram trebalhant per tot aquerò que dignifique eth nòste país e era sua gent.

Actuauments, en Aran, representam eth solet grup transversau d’opinion, manifestacion e transformacion sociau.
Era pòrta ei dubèrta a quinsevolh persona que desire formar￾ne part e veir es sues opinions contrastades e apuades.

Taula per Aran va dera man de Catalonha e Occitània e tanben d’aqueri pòbles a qui non s’a arreconeishut encara era sua sobeirania per part des govèrns d’Euròpa, aguesta Euròpa supranacionau dauant dera quau s’impòse un trebalh continu de cap tara Euròpa des Pòbles que vòlen organizar liurement eth sòn futur e eth sòn encaish e relación damb es auti estats-nacion ja arreconeishudi.

Ua Euròpa d’afraiament, solidària e sociau.

Entenent qu’er afraiament entre es pòbles passe pera defensa dera sua gent, cultura, lengua, costums, territòri e
sobeirania ena sua maxima expression, pensam qu’eth 5 d’agost ei ua bona ocasion entà manifest’ac.

Vos i demoram a toti!