Justicia Justa ???

QUATE MESI SENSE ES JÒRDIS, E LÈU SENSE ARANÉS? 16/02/18

Taula vò arregraïr era preséncia de toti es assistents ena concentracion convocada entà reclamar era libertat de Jordi Cuixart e Jordi Sánchez que ja pòrten 4 mesi injustament empresoats. En especiau, arregraïr era preséncia deth conselher Jordi Turull de JuntsxCat, que en tot manifestar eth supòrt e compromís damb era lengua aranesa, mos animèc a contunhar en tot insistir entà reclamar justicia e recuperar era democràcia. 

Tanben Emili Medan, alcalde de Les, dirigic ues paraules destacant eth besonh qu'era gent dera Val, e sustot es sòns representants polítics gesquen e trinquen eth sòn silènci. Mos rebrembèc que peth dessús de quinsevolh ideologia existissen uns valors que son es que mos an de perméter somar tà reinvindicar uns drets fonamentaus qu'an estat, e a dia d'aué seguissen estan, menaçats.

Taula per Aran vò deishar clar que a part de velhar pera libertat, pera justicia justa e pera democràcia, defenerà era lengua aranesa com a lengua vehicular ena Val d'Aran e exigís as representants polítics que siguen ara nautada des circumstáncies.